刘温馨觉得成熟稳重嘅男士更加识得照顾别人嘅感受。
不过为咗留喺香港追演戏嘅梦想~
刘温馨经常演“熟男杀手”，坦言现实中对另一半亦没有年龄限制，最紧要是啱倾，心中男神更是较成熟的马国明！讲到早前为事业而放弃嫁到加拿大，还与男友分手，她坦言想继续追逐演员梦，不心急结婚生仔！
29岁无綫小花刘温馨感恩疫情期间仍能剧接剧，就算宅在家仍会煲剧学“戏”功，最想尝试与自己反差很大的角色：“除咗护士、妈妈、少女同明星角色外，我想试吓演变态、恶嘅角色，例如杀手！”讲到多次与“熟男”拍档演一对，如吴岱融、石修等，原来她心目中的男神亦是较成熟的马国明：“觉得佢好稳重，同埋好似好神秘，平时好少讲嘢！我哋有合作《BB大晒》，佢就系吴岱融个仔，佢望住我同佢爸爸一齐，所以我哋冇乜倾偈，哈哈！”
问到现实中可接受到与较年长的男士拍拖？温馨坦言接受到：“年纪唔系限制，最紧要啱倾，如果成熟稳重可能更识得照顾我嘅感受。（接受到几大嘅男仔？）我冇限制，要遇到嗰个人先知啱唔啱，但现实中又冇试过同年纪大嘅男仔一齐。”之前因不想放弃事业而拒绝嫁到加拿大，选择与加拿大籍华裔金融才俊男友分手，她坦言：“好细个已想做演员，女人要有自己事业同梦想！（觉得可惜？）缘分呢啲嘢好难讲，系你就系你，唔系你就点都冇用。（唔舍得？）唔会！过咗一段时间唔再谂。”
单身的温馨享受一个人的生活，谈到择偶条件时表示：“要真诚、倾到偈、有责任心、专一、锡我。（外表呢？）又唔使靓仔，望落去顺眼就得。”问到可会心急结婚生仔？她坦言：“依家科技发达，唔系特别担心。（Set个目标畀自己？）呢啲嘢唔系自己决定到，唔系想有就有，顺其自然。（父母有冇催婚？）就算佢哋催都冇用，哈哈！”