无线剧《杀手》刚播完,而剧中饰演黑帮头目的53岁林利,已迁到台湾长住,仲话暂时不考虑再拍港剧。
事关肠癌康复不久的他,又被癫痫症困扰,拍《杀手》期间因工作太辛苦,导致癫痫发作入院。
原来,林利患有癫痫症多年:「癫痫好难完全好,又唔係成日发作,有时几年一次,有时可能係攰、状态唔好就会发作得密啲。发作时冇徵兆嘅,所以要成日keep住自己心态开心,同埋唔好畀自己太劳累。」
17年他患大肠癌,完成切除肿瘤手术后不久就急不及待开工、登台唱歌,甚至为《杀手》远赴台湾拍外景,仲要应付打斗场口,导致两次癫痫发作送院。
「《杀手》期间发作最主要係攰,同埋啱啱做完肠癌手术,身体状态、元气仲未复原,基本上冇乜休息。人哋生完仔都要坐一个月啦,我劏咗个肚,一出院几日后就开始唱歌、拍剧。」
两度昏倒令脑受创,为身体著想,决定暂停拍剧,只接轻巧应付的登台骚。「对我嚟讲简单啲囉,个时间唔使咁长吖嘛」他说。
有无后悔唔锡身?林利斩钉截铁话冇!一来,他认为合适的角色,可遇不可求;二来,因为去台湾拍《杀手》,重遇追随自己多年、收埋好多珍藏的台湾女粉丝Erin,二人火速挞著,更在去年七月拉埋天窗,给半百林利带来第二段婚姻。