TVB新节目《野外步出2》由“奶仔”方绍聪主持，而第一集就邀请咗江嘉敏以及黄美棋做嘉宾，一齐去水上乐园玩。节目中，江嘉敏身穿比坚尼大晒身材，不过就用丝巾围住下半身，似乎係想遮住肚腩，令画面嘅美感“大打折扣”！
# 《野外步出2》热播中！
由方绍聪（奶仔）主持嘅TVB综艺节目《野外步出2》正在热播中，将会带嘉宾们去唔同嘅地方游山玩水。而今辑嘅最大亮点就係一共邀请咗25位女嘉宾参与，其中包括：波波（黄婧灵）、林凯恩、李静仪（Heidi）等，成功引起网民关注！
# 江嘉敏身穿比坚尼大晒身材！
而《野外步出2》第1集就邀请咗江嘉敏同黄美棋担任嘉宾，一齐去位于元朗区嘅水上乐园玩。难得去得水上乐园，女嘉宾们就当然係身穿泳衣登场啦～其中，江嘉敏就身穿白色比坚尼大晒好身材，不过佢就用丝巾遮掩腰部，但就反而令“肚腩”更加显眼！
# 自认fatman？！
当两位嘉宾喺节目出场嘅时候，黄美棋就讲笑咁话“Fatman，你点解喺度嘅？”，而主持人奶仔随即加把口“你咁叫佢！江嘉敏又会多单新闻㗎喇！”不过江嘉敏当日似乎心情超好，回应“我fat唔係新闻，係旧闻！2年前就已经讲紧直到而家。”不过主持人就改口大讚江嘉敏，其实已经比以前瘦咗好多！
# 第一辑亦有份做嘉宾！
其实江嘉敏都係《野外步出》第1辑嘅嘉宾之一，而当时佢亦都係第1集出演负责打头阵。奶仔忆述当时拍摄情况：“佢嗰日着咗件粉红色风褛，感觉好健康，好似啲Auntie咁，好雍容华贵，好似去咗慧妍雅集啲活动。”不过佢当时著得十分密实，观众无缘睇到佢嘅好身材，所以监制先会再次邀请佢！
# 边尖叫边玩水上设施！
细胆嘅江嘉敏喺节目中尝试玩唔同嘅设施，佢喺上有3层咁高嘅滑梯时就一边尖叫一边爬，睇嚟真係好惊咁！当准备由最高处滑落时，佢突然表现得非常惊清，仲向摄影师讲“如果你係女仔就好，我可以俾你摸下我心跳！”