TVB视后胡定欣现时正忙于为邵氏剧集《廉政狙击》拍摄，今次新剧佢就遇上好几位多年战友，当中最令人期待就系佢同吴卓羲嘅对手戏，寻日（9日）胡定欣喺社交网晒出佢同吴卓羲嘅借位合照，仲留言笑对方：“或许男演员都比较喜欢这样侧脸回头看镜头😌☝🏽。#企定定影张相喇”点知即引嚟大批网友留言，话睇好佢哋可以完成“未了情”！
其实二人早喺2004年时，于剧集《大唐双龙传》入面分别饰演主角“徐子陵”同“婠婠”，两人于剧中未能开花结果，但一早就已经系网友心目中嘅一对，今次佢哋再次合作，网友已经暗自将二人编为一Pair，仲有人留言叫佢两个“单身贵族”可以好好咁了解吓对方，话唔定有机会发展喎。