日前无綫电视城举行《TVB节目巡礼2022》，一众无綫艺人亦会登场，活动开始前更走上红地毡，男女艺人都盛装赴会，争艳斗丽，可以话係《万千星辉贺台庆》同《万千星辉颁奖典礼》以外最隆重嘅活动。
今次艺人们嘅造型网民都有弹有讚，其中江嘉敏一身Lady嘅蕾丝连身裤造型加埋佢剪咗唔係好耐嘅清爽短髮就非常eyes catching，网民仲非常热烈讨论添！
江嘉敏自己就好满意新look，佢喺IG post咗多张靓相，留言：“要自我介绍一下先。大家好，我係江嘉敏 𝐾𝑎𝑚𝑎𝑛。好多客户，公司幕前幕后同事都因为我剪短咗个头而认我唔到。甚至有人捉住我嚟问：“有冇见到江嘉敏，我哋要搵佢上台喇！”🤣🤣但係我好开心，好多人话我carry到呢个短头髮，估唔到咁好睇，仲话我似林志颖，鹿晗。(内心极度兴奋，因为个个都係靓仔🏻）我想大声讲一声：‘陈维冠监制！多谢你坚持要我剪短头髮！我好锺意丫！’”
不过网民都唔多buy佢呢个look，话短髮对佢嚟讲好显老：“好似师奶”、“係咪致敬仙杜拉？”，更加话长头髮衬佢多啲：“点解髪型师咁锺意叫artist剪短头髮，有啲人一睇就知唔啱短头髮啦！”有人更加周星驰电影《算死草》、葛民辉去“弥敦道9号”剪坏咗个头嘅一幕，引用当中嘅对白：“头嘅嘢你唔係见人哋剪你又发姣发扽走去剪㗎，要衬㗎！你睇吓你而家髮型完全唔衬你个面型。个面型又唔衬个身形，个身形又撞返晒个髮型，係撞到嘭嘭声呀！”唔少网民更发现佢IG嘅图片比对番“直出”嘅图片似乎已经经过“后期加工”，不过都係救唔番：“呢个头真係好‘炒车’，希望佢快啲留番长啦。”