艺人刘颖镟（Tiffany）与刘佩玥（Moon）泳装上阵为无綫剧集《隐形战队》开工，前者更穿三点式晒马甲线于泳池戏水，女神Feel十足，事后Tiffany笑指自选美后未曾试过公开穿泳衣，故心情紧张又怕丑：“头先行出嚟我有选美嘅感觉，之后喺泳池上水嘅时候就好惊走光，好在工作人员有睇住我。（马国明话今日盲咗，唔敢望你哋！）有啲咁嘅事？又冇听佢提，我都冇特别留意佢，佢企喺我隔篱，咁佢系望住我对眼嘅，好乖，咁佢系好男仔，唔使质疑。”
对于陈山聪踢爆她为了该场戏份花了几个月Keep Fit，Tiffany表示：“其实系为套剧Keep，今年4月已经开始健身，因为知道会同一班好Fit同大只嘅男仔拍戏，作为女仔代表都要练啲肌肉，企喺佢哋隔篱就服力多啲。”
而Moon则穿上一件头泳衣，下身再披一层薄纱，论性感程度不及Tiffany，对此她笑说：“今日好多工作人员咁讲，但系剧情需要，佢系模特儿身份，我就扮马国明女友去吸引富二代，所以造型高贵啲。（使唔使Keep Fit？）我冇操得咁劲，每日见到Tiffany食嘢好健康，又勤力做运动，搞到我都畀佢影响到，的起心肝做运动。（今日咁嘅造型唔怕走光？）其实我都有少少衩，坐喺张太阳椅度都易走光。”谈到日前大队到深水埗取景，因其声线响亮被投诉扰民，Moon也对此向受影响居民致歉：“因为剧情需要，我都知自己好嘈，真系唔好意思。”
视帝马国明、陈山聪、郭子豪、刘颖镟（Tiffany）及刘佩玥（Moon）于油塘为无綫新剧《隐形战队》拍外景，3位男士以卧底身份，保护泳装上阵的Tiffany及Moon，当中马国明更化身汶莱富家子，拯救被其他男士缠绕的Moon。相对于两位女神泳装上阵，男士们却无需跟随，马国明与山聪更笑指泳装重任交由女士组负责，山聪还爆Tiffany为了该场戏花了几个月操Fit。
名草有主的马国明，被问到是否艳福无边？他却笑说：“我今日盲咗，唔可以乱讲嘢，所以只系见到山聪好有型。（冇同女友汤洛雯备案？）就系冇报，所以咪盲咗啰！但平时佢都有叫我睇、仲会问我，我唔系好识触摸，所以佢问我就扮哑，即系又盲又哑啰！（好惊女友听到你讲其他女仔？）佢会睇我啲访问，如果有直播可能睇紧添！（即系佢系醋娘子？）又唔系，佢都好大方嘅。”