陈敏之YouTube《Chi Chat》请陈凯琳做嘉宾，陈凯琳继续大谈老公郑嘉颖同儿子嘅生活，佢坦承自己迷恋郑嘉颖，又贪对方够靓仔，不过嘉颖就唔係好中意老婆咁讲。陈凯琳仲提到生第三胎计划！
陈凯琳爆郑嘉颖结婚后完全唔同晒？
陈凯琳提到结婚后会亲自下厨，初时佢仲会甜蜜问郑嘉颖：“老公，好唔好食呀？”，点知郑嘉颖以为佢真心问意见，于是直言佢嘅厨艺仍有改善空间：“你咁问我都想讲今日个肉韧咗啲！”，令陈凯琳哭笑不得：“真係自己攞嚟衰。”
佢坦言自细就觉得做一个好老婆要识得煮下嘢食，陈敏之即表示自己拍拖时都会下厨，因为要“扮嘢”，陈凯琳指男人都係一样，恋爱嗰阵可以做一千样嘢，但结婚后就做半件事都嫌烦。
陈凯琳坦承好迷恋郑嘉颖
陈凯琳同郑嘉颖结婚之后十分恩爱，不时会喺IG post相放闪，佢自爆比起两个仔自己最锡老公：“我真係最锡係我老公，所以啲人话我好迷恋我老公，其实真係几中意佢。”
虽然陈凯琳同老公郑嘉颖年龄相差22岁，但二人爱得甜蜜，陈凯琳坦言两人年纪“有啲距离”但自己毫不介意。
郑嘉颖唔中意老婆讚自己靓仔
提到自己觉得老公好靓仔，陈凯琳表示佢成日喺郑嘉颖面前讚对方靓仔，但老公就唔係好中意佢咁讲：“佢叫我唔好再咁样讲”，因为郑嘉颖觉得靓仔唔係永远：“佢觉得如果你真係淨係中意佢个样，到佢真係年纪再大啲唔靓仔咁点算？”
陈凯琳即表示佢讚老公靓仔唔代表淨係中意佢够靓仔，但又笑言：“虽然係大部分原因。”
陈凯琳提及生第三胎计划，大谈儿子窝心事
陈敏之问佢有无谂住生多个“追女”，陈凯琳就指自己中意仔多啲，觉得儿子好似小情人，又大爆仔仔嘅窝心事。佢表示有一次带咗仔仔出门玩一日，个人好攰，喺仔仔独自睇书嘅时候突然感到有好多压力，忍唔住喊。
仔仔见状即走过嚟帮佢抹眼泪，又细细声道歉：“妈咪Sorry，Don\’t cry～”，令佢好安慰，陈敏之都大讚佢仔仔好sweet！
陈凯琳激罕自爆于加拿大情史
陈凯琳妈妈曾喺节目中爆郑嘉颖係陈凯琳嘅初恋，陈凯琳就罕有咁自爆喺加拿大嘅情史！佢指识咗一个男仔，虽然未係正式男朋友，但承认：“我都几中意佢嘅～”
有日佢亲自下厨，邀请陈凯琳母女食饭，当陈凯琳妈妈见到对方两边手臂都纹晒身，都有少少吓亲，但识落都觉得对方无乜嘢。陈凯琳总结：“所以唔好生女”，佢指日后要担心嘅嘢係一千倍。