早前美国男星艾力宝云（Alec Baldwin）拍开枪戏时发生意外，导致一名摄影师被击毙，震惊全球！视帝马国明近日亦以真枪上阵拍剧，又跪又趴毫不锡身，但他不担心出意外；至于首度开真枪的刘佩玥则心情紧张，更不受控制地眨眼。
马国明与刘佩玥（Moon）前日在九龙湾闹市为文伟鸿监制的新剧《隐形战队》拍摄枪战戏，Moon化身性感狙击手，型爆之馀亦尽展美好身段，趴低拍摄天台瞄准目标镜头时尽骚Quali。以真枪上阵的马国明全程有专人傍实，虽然枪声很大，但多番实战的他被Moon取笑已练到“又盲又聋”阶段，毋须掩耳而且不会眨眼，感观完全“退化”！
上月底，美国男星艾力宝云为电影《Rust》拍开枪戏时发生意外，造成一死一伤，问马国明会否担心？他说：“惊就冇惊，因为冇弹头，唯一系怕枪声太大，嘭一声都几惊！其实香港拍可能安全过外国，外国太容易有枪，同埋我哋啲枪全部要申请，发生嗰啲意外机会好微。”
真枪重磅 攰到“不举”
多次饰演医生的他，揸手术刀多过揸枪，他表示两样都锺意：“开枪都好玩嘅，初时以为喺闹市拍会用气枪，但监制好有心，Book真枪，始终质感好好多，镜头会见到真火花。（有冇眨眼？）我OK喎！不嬲唔眨眼，佢哋个个都话我盲嘅。（好大后坐力？）呢啲好少，长枪可能会劲啲。真枪好重，成十几廿磅，喺厂拍成晚，只手真系举唔起咁滞！”首度拍打戏及开真枪的Moon则心情紧张，幸而台前幕后很帮忙，不时为她作心理辅导：“我完全控制唔到神经，开枪时会眨眼，好忟憎，但所有人都对我好有耐性。”
刘佩玥下海做一楼一
谈及动作戏，马国明表示全剧以他与陈山聪最多，笑说：“靓女就喺天台开吓枪咁啰！”Moon即“诈型”表示：“你知唔知瞓喺度嗰个S字形，拍完条腰冇晒力㗎！”马国明说：“佢一开枪啲Cute样就出晒嚟，不过我哋套剧讲型，佢呢啲可爱样，只可以喺NG片出现。”又指拍打戏拍到周身伤，有日又被枪柄撞到，但不当一回事。
而Moon拍打戏拍上瘾，特地找老师学打，又看韩剧《以吾之名》偷师：“女主角韩韶禧练咗几个月，连替身都唔使用，启发咗我好多。”又表示很喜欢一身造型，记者笑指大家见到玲珑浮凸都会喜欢，她抵死说：“唔关事，其实唔着呢件衫，我都玲珑浮凸㗎！”又透露剧中为破案而做卧底：“有一楼一凤造型。（着吊带喱士睡衣？）好正㗎！到时睇就知喇！”
人盯人！“阉枪”做足检查
香港动作特技演员公会会长钱嘉乐，与曾是皇家香港军团（义勇军）军人的邓梓峰， 均对枪械拍摄非常熟悉，2人指在港拍枪战戏有完善机制，十分安全，钱嘉乐说：“香港有两间比较出名嘅租枪公司，佢哋有专人跟足全程，会入好晒空包弹，每次用都会Check得好清楚支枪有冇问题，枪内有冇碎片咁。拍摄前我哋要申请，边个演员开枪、开几多发，就连试枪嘅发数都要申请，全部要跟足，唔会掉以轻心。”
邓梓峰则指所谓真枪其实做了手脚，打不出真子弹：“行内会叫呢啲做‘阉枪’，假设租咗3支枪，租枪公司就会有3个同事到现场，一直保管啲枪，去到真正拍摄一刻，先会畀我哋掂到支枪，之前当然亦会做晒安全检测，同教我哋基本点用，唔容许任何出错。