ViuTV偶像育成选秀节目《全民造星IV》的女团首轮比拼已经进行得如火如荼，首周已有5.3收视成ViuTV之冠，导师许廷铿（Alfred）周五（12日）出席时尚发布会时谈起赛程已经去到20强，自己也有些心水出现了，包括昨晚登场的Marf（邱彦筒），也有许多成长变化惊人的参赛者，希望观众见证：“我自己都因为呢个节目搞到又喊、又笑、又闹人，欲知后事如何就继续留意。”
Alfred今日出席时尚活动，率先剧透《造星》赛程。
Yoyo与Dru对战结果惹来不少讨论，网民与评判的意见似乎有颇大分歧，做过评判的Alfred直言理解赛果：“其实好难，我寻日睇都同观众有同感，但当下喺现场听同睇好难一时三刻做准确决定，导师同花姐喺电视睇感觉已经截然不同，我哋当下对赛果都噩然，但同时又有啲包容度嘅，希望唔好有恶意批评，Dru都有自己过人之处。”Alfred续言：“Yoyo我都锺意，人生就係咁充满挣扎。”
Alfred直言对A组学员爱不释手：“冇一个值得被淘汰，我有断捨离困难症所以拣唔到，呢个节目其实係为难导师，”
至于复活区充斥观众极喜爱的靓女参赛者们，如：Candy、Yoyo、咖哩、阿妹等，问起Alfred会否“拯救”她们，他就面有难色指：“个个都救，救得咁多咩？靓女我明白有多啲观众缘嘅，但都必须要衡量。大家见到我不断写纸仔，係已经要计划组员嘅构成，唔可以只考虑靓唔靓女。”Alfred又率先剧透指有忍痛放弃部分靓女，他充满挣扎指：“好难！唔算好多嘅，但救人程序已经係朝早7、8点，人都癫！我用咗考入牙科嗰道力去做导师，所以大家畀啲包容啦，圣人都会有错，可能有啲决定未必係大家心仪或者係渴望我做嘅决定，我哋都係人嚟㗎咋！”