由欧锦棠（棠哥）担任监製、编审、动作指导兼主演的香港首部空手道主题电视剧《打天下》从周一（13日）起晚上9时30分在ViuTV横线播出，播出未足一星期收视报捷，单计电视收视已破ViuTV纪录，比《二月廿九》、《教束》更劲。
棠哥说好成绩对他而言是一种鼓舞：「公司好满意，不过最紧要都係要睇观众点解会喜欢。」当中最令他感动的是有观众跟他说重新培养了看电视的习惯，更会一家大细一齐睇电视：「我年事已高嘅妈妈都晚晚睇完先瞓！当然有疫情嘅影响，但有种细个电视汁捞饭嘅感觉。」
棠哥说因为自己每晚都会在Facebook专页开Post与观众讨论，所以这几天已经收到一些观众的迴响，他亦表示无论是正面还是负面评论，只要能说出箇中合理原因他都会接受。
面对负评，他以1988年的电影《虎胆龙威》（Die Hard）作例子：「全世界都好收得，但《纽约时报》嘅影评话垃圾，又讚佢拍得刺激，咁大家觉得係乜嘢？」在娱乐圈打滚多年的棠哥总结说：「冇人赢到全世界，拍到点都会有人话。」
至于有网民认为剧集的运镜与调色具「年代感」，棠哥就说导演高林豹履历华丽，是国内十大最佳导演，也是最有影响力的导演之一。
自己对他很是信任：「除咗武打场面，所有镜头取向我都係唔会干预，以我观察都係国内惯用嘅拍摄方法，取镜嘅角度比较多，佢都唔係旧嘅拍法。」他又举例同为高林豹导演，在国内与香港都好收得的《花千骨》、《无心法师》也是用这种手法拍摄。就如公司高层对他说道：「百货接百客，始终要尽量照顾多啲阶层嘅观众。」
《打天下》的后期制作均在北京完成，棠哥又说剧组花了不少心思在调色上，当时有四个色调可以选择：「出嚟嘅效果有落差係真嘅，但只可以话係技术问题！」棠哥将这个问题归咎于频谱分配不均：「因为香港绝大部份嘅频谱係畀咗另一个台（指无綫），所以剩低嗰几个电视台分得唔够，係技术问题，简单嚟讲係信号唔够强，所以有误差。」