据香港娱乐媒体最新报道，被喻為無綫最強小鮮肉的丁子朗，與出道即被封全民女神的《17年國際中華小姐》亞軍林宣妤，兩人無論外形和背景都襯到絕，近年同受無綫力捧，演出機會不斷，原來兩人一早過電，已秘撻一年多，感情本來甜蜜穩定，不過近日一對小情人意見分歧，剛與無綫簽下長約努力打拼的丁子朗，卻留不住女友林宣妤，據知林宣妤因不願簽長約，兼掛住大馬家人，已離無綫返馬來西亞做營養師，即使男友屢勸留低亦無功而回，一對小情人分隔兩地，Long D感情凍過水，被棄丁子朗更成個謝晒！
有人辭官歸故里，亦有人漏夜趕科場，五光十色的娛樂圈，都不是人人眷戀，就如《 16年國際華裔小姐》冠軍兼《 17年國際中華小姐》亞軍林宣妤（Serene），當選後一直備受無綫力捧，除了客串演出劇集《她她她的少女時代》，近期無綫兩部重頭劇《使徒行者3 》及《反黑路人甲》，林宣妤都有份參與演出，在《使徒行者3 》更被安排飾演林峯女友，是無綫點名力捧小花，雖然機會擺在眼前，今年五月約滿的林宣妤，與無綫拉鋸多時，最終仍決定不續約走人。據知情者透露：「當選華姐之後，無綫一路畀好多機會Serene，好似喺《使徒行者3 》，佢就演林峯女友，可以話係一個肯定受關注嘅角色，不過， 拍咗幾套劇之後， Serene覺得自己唔係好適應娛樂圈嘅生活，加上佢家人全部喺馬來西亞，來港發展之後，佢一路都有思鄉病，所以上年底無綫一路傾佢簽長約留低發展，傾咗大半年，佢最後都決定唔續約，返大馬做營養師。」
因要返馬來西亞，林宣妤月中提早為本月30日生日的男友丁子朗慶生，丁子朗更在 IG開心 share女友送他的生日卡及人像繪畫，還留言寫道：「 Till we fly again」，並加上心心符號，表現冧爆！已返大馬生活的林宣妤，日前在 IG po出近照並留言寫上：「 Life is too short to be mean to yourself ，so just do whatever makes you happy ！」寄語生命太短暫，不要待薄自己，要做讓自己開心的事！
女友放棄留港發展，最不舍得肯定是同林宣妤拍拖一年多的丁子朗，同是選美出身的丁子朗和林宣妤，兩人都是由外地返港發展，同聲同氣特別投契，去年初已經撻著，不過為免影響事業，二人有共識低調戀情，可惜蜜運情侶見解未能一致。據知情者透露：「Karl（丁子朗）梗係想Serene留低啦！如果Serene返咗大馬，真係唔知幾耐先可以見一次面，他亦同女友分析過，大家都仲年輕，如果想喺呢行做到成績，一定要揼啲時間，不過Serene就唔係咁睇法，佢覺得簽長約好困身，又唔捨得長時間同屋企人兩地分隔，不過最主要原因，都係Serene對呢行唔係咁大興趣，所以寧願返大馬做營養師！」林宣妤放下香港演藝事業走人，會唔會放下埋男友丁子朗？真係一個考驗！
林宣妤有一兄一姊一妹，家人全居於馬來西亞，難怪一個人來港發展的她有思鄉病，日前她在 IG上載與家人慶祝父親節照片。被喻為無綫最強小鮮肉的丁子朗，去年在《森美旅行團》騷肌彈出，剛與無綫簽下長約決心拼搏上位，可惜卻說服唔到女友林宣妤留港發展，被迫兩地分隔，感情受考驗！現年23歲的林宣妤，是《2016年Astro國際華裔小姐》冠軍，同時奪「最上鏡小姐」及「全民女神」獎，並成為 《 2017 年國際中華小姐》亞軍，與奪 《 2016 年度香港先生》亞軍、「最上鏡 先 生」及「最受歡迎香港先生」的丁子朗可謂襯到絕！
每日TVB明星资讯，TVB影视资讯