刚从洛杉矶回港的朱咪咪,今日出席环保活动,她大呻2019年“做到成只狗”咁,并透露稍后会继续做空中飞人,先飞新加坡去吉隆坡登台,再返香港上内地出席春晚活动。记者笑指她今年猪笼入水,朱咪咪抵死自嘲:“你又唔可以怪我喎!我姓‘朱’㗎嘛!唔勤力啲点得!”又自豪指自己“三冇”都可以狂接Job:“冇经理人、冇后台、冇靠山,全部一脚踢。”
讲到回洛杉矶登台,她表示此行是跟黎耀祥(祥仔)一齐去:“虽然我净系做过佢一次阿妈,但佢第一个登台演唱会系我做佢嘉宾,都有成一、两年冇见过佢,但默契都好好,唔使夹一嚟就上台。”续笑住大爆祥仔谂计仔帮她做另类“视后”:“我同佢讲好羡慕佢可以做视帝,都想做一次视后,点知佢即刻话去药房买事后丸畀我,哈哈!”
两年没拍无綫剧的朱咪咪,自爆2月会返无綫拍摄《陀枪师姐V》,再做“二妹姐”,不过主角再不是欧阳震华及关咏荷,她表示:“男主角系陈豪,听闻阿滕(滕丽名)都会拍。”问到魏骏杰都有份?她即笑记者“傻妹”再用普通话讲:“怎么可能?哈哈!”续笑爆话:“都有问我使唔使Set番当年二妹姐个髻。(无綫最近裁员有压你价?)唔会,我咁靓女,仲压咩价?仲加咗少少添!讲真靠TVB份粮系生活唔到,用嚟入油都唔知够唔够。
◆文章图片来源转自于网络