宠物界“星妈”江美仪今早孖一对“仔女”,9岁的Teddy及4岁的Tina出席狗狗步行筹款活动。美仪指只要可以带狗狗同行的活动,都会糖黐豆出动,例如整头、食饭、游船河等。
动物传心师告知“秘密”
自认狗奴的她,更带同爱犬参与法会听经:“师傅觉得佢哋好乖,识坐定定,就准佢哋一齐听,佢哋已经归依咗,之后想教佢哋拜佛,学埋就冇得顶!希望佢哋来世搵个好人家。”记者笑言或狗狗来世再重回美仪怀抱时,她大爆Tina是已故爱犬冬冬的“化身”,两者习性同出一辙:“Tina细个有张相同冬冬一模一样,佢哋又系教极都周围濑屎濑尿,又唔畀人见到佢哋去厕所。”续指此“秘密”是由做动物传心师的好友告知:“当冬冬临离开嗰阵,好朋友同我讲冬冬想要张床、薄垫、做狗医生条巾,同埋想食雪糕,呢啲系我哋两个先知,所以我信佢冇呃我。”
为爱犬请家佣
美仪笑指哥哥Teddy有“警告”她不能再养其他狗狗:“话养埋Tina好啦,惊分薄我对佢嘅爱,但阿妹最近回流返香港,又带多两只狗,搞到啲狗仲多过人,自己都冇考虑再养,因为好难清洁,有谂过当佢哋年长就请多位家佣照顾佢哋。”
◆文章和图片来源转自于网络