马国明(9/1)现身北角出席怀旧派对活动。提到《万千星辉颁奖典礼2019》即将举行,夺取视帝宝座高唱入云,马明就话:好难讲,因为有好多强劲慨对手,例如有《铁探》慨袁伟豪,又有王浩信慨《解决师》,其实渠台庆档期播都有少少着数,因为记忆好新,所以今年好难估男视帝会系边个,我都系平常心。
马明有意向外发展,接拍不同类型制作影视作品
马明跟无线经理人合约今年即将届满,有指他好友郑家颖充当决策军师,出招教马明用合约换取视帝奖项,所以马明迟迟未动笔签字落实。对此马明接受访问时说:
其实合约仲有段时间,断断续续都仲倾紧,因为仲有好多嘢要考虑,觉得呢个时势好似好乱,所以有好多嘢大家都要倾清楚,都明白呢个时势好难话要加片酬,反而系想睇下嚟近会有啲咩机会,又或者啲空间再去做,始终我都做咗好多年,有好多嘢要去睇,唔系纯粹向钱看,其实自己都好想拍下出面啲嘢,相信系每个演员所期望,至于话嘉颖指点我单嘢,冇啲咁慨事,个单新闻流流地,渠呢排挂住凑仔,唔得闲理我哋。
马明坦言无线经理人合约届满仍有一段距离
马国明同黄心颖虽然变回好朋友,但他依然有关心旧爱,虽然心颖仍然有被网民狙击,但马明叫大家都支持一下《丫鬟大联盟》《黄金有罪》两套新剧,他说:(有冇见过心颖呀)未有机会,(抗唔抗拒见面?)其实我冇乜所谓架,我都有send讯息畀佢慨,圣诞快乐嗰啲啰,始终都系朋友嚟慨,大家唔好误会好有仇恨嗰啲,完全冇慨,近排丫鬟(剧集《丫鬟大联盟》)我都有睇,我觉得几好睇喎,轻轻松松几好。