何广沛（14/1）出席TVB剧集《大酱园》的宣传活动，这套是Matthew第一套担正的剧集：第一套真正担正，不过有30集，cast都好丰富，有坤哥（吴业坤）、嘉乐（黄嘉乐）、岱融哥（吴岱融）、子诚哥（郑子诚），多到数之不尽，拍摄慨主要演员有２、30人，虽然话担正，但大家慨戏份都分到好匀，都有好多条线。大家都唔会好辛苦，压力唔会话好大。
何广沛第一次担正拍剧
被问到《大酱园》是否与朱晨丽（朱朱）的定情剧，何广沛说：其实我拍呢套剧之前同朱朱合作过，《超时空男臣》萤幕情侣慨关系已经出咗，好好慨拍档、好好慨朋友。再接再厉，第二次合作，角色关系同对上套剧好唔同，斗气冤家多啲，好多时都系对骂、对打。可以攞正牌同渠闹交，唔需要负责任，几正。
新年将至，何广沛家人未有催婚：屋企人不嬲都冇呢方面慨习俗，因为屋企人自由度好大同埋好开通，所以渠哋从来都冇迫我，催我呢样嘢，或者好想我进入人生下一个阶段。我都生活得几幸福，新年唔会有亲戚问呢样嗰样。都系普通同亲戚食下饭，入长洲搵婆婆拜年。婆婆都年纪大，要陪渠多啲。
