艺人林夏薇每逢过农历年都会喺家中摆番棵大桃花，话晒桃花都有趋旺运势嘅功用，咁梗系要益吓朋友，佢邀请咗黄翠如、陈敏之及洪永城等一班人上嚟屋企聚吓之馀，仲带住佢哋一齐围住棵桃花转足三个圈，希望帮大家喺鼠年增添吸引力。佢拍咗条片放上社交网，见大家排好队搭住前面个膊头跟住行，行最头嘅林夏薇着住短裙仔晒出白滑长腿好抢眼，成班人跳吓跳吓好似细路仔充满童真仲玩得好开心！有网民搞笑问林夏薇、黄翠如同陈敏之都结咗婚，洪永城亦拍紧拖，佢哋仲要咁多桃花运嚟做乜？其实桃花运仲有一个功能就系增加人缘，做娱乐圈呢行多啲人锺意都好重要！
◆文章和图片来源转自于网络