43岁敖嘉年今年初宣布结束同无线慨22年宾主关系，寻日渠喺社交平台发布自己返电视城清Locker(储物柜)慨相，非常依依不舍。
其实喺2016年，敖嘉年已经同无线由经理人合约改签部头合约，之后逐渐将工作重心转移到大陆，今年更索性离巢发展。
敖嘉年早于1998年签约为无线电视经理人合约男艺员，而渠喺无线电视慨第一个工作就系做《城市追击》慨节目主持。
敖嘉年寻日喺储物柜中搵出当年《城市追击》慨外景背心，都百感交集，又指当初完约时，公司仍有搵佢参与一部今年开拍慨剧集，但无奈与舞台剧、电影撞期，于是他索性尝试出外闯闯。
敖嘉年去年尾就泊埋高志森码头，主力做舞台音乐剧，最新演出《天涯歌女》仲有老板黄百鸣现身剧本围读。4月9-11日音乐剧《天涯歌女》喺香港上演。
不过渠仍懂得饮水思源，感恩无线慨栽培。敖嘉年由清水湾年代已经加入无线，非常唔舍得一齐成长慨台前幕后人员：「不过都觉得出去睇下系好慨，总有机会返去(无线)拍慨，因为呢个系我娘家，除非我唔做又或者死咗啫。」
敖嘉年1999年参演渠慨第一套剧集《封神榜》，饰演「木吒」一角。之后都拍咗多套剧集，但一直未有喺观众脑海留下深刻印象。
直至2009年喺电视剧《巾帼枭雄》 饰演败家仔「蒋必文」一角而人气急升，亦在《万千星辉颁奖典礼2009》上勇夺「飞跃进步男艺员」，亦入围「最佳男配角」最后五强。其后再喺《巾帼枭雄之义海豪情》中饰演单纯善良慨「排骨仔」而再次获得好评。