TVB花旦黄智雯与从事珠宝业嘅男友Anthony拍拖多年，近年有传黄智雯已进驻男友位于东半山的2,000万豪宅，视对方为终生伴侣。然而，胡定欣喺社交网开Live时，拉埋黄智雯、陈山聪、袁伟豪一齐做直播。
当黄智雯讲到同袁伟豪合作嘅新剧《把关者们》时，突然断线，袁伟豪见状就话：“佢又借咗人哋wifi比人cut咗，一系佢老公出嚟叫佢收线。”袁伟豪口快快讲完“老公”两个字后，知道唔多对路，随即话：“佢未结婚架嘛……哈哈”，而胡定欣亦有帮口：“你唔好乱咁讲！”对于被袁伟豪爆做咗“老婆”，黄智雯接受东网访问时话：“哈哈，如果真系大家点会唔知，Ben（袁伟豪）都系口快快，无心之失，凼吓大家开心啫！”