现年49岁嘅冻龄女神朱茵保养得宜,多年来Keep住靓样,佢喺社交网上载一系列复古风靓相大派福利,相中见扎上高辫嘅佢充满古典味,一颦一笑都散发高贵气质,而且仙气十足。唔少粉丝联想起佢同周星驰合演嘅电影《西游记大结局之仙履奇缘》中嘅经典角色“紫霞仙子”,同埋佢喺《射雕英雄传》扮演嘅“黄蓉”,话呢辑复古靓相,尽集“黄蓉”嘅娇俏,同埋“紫霞仙子”嘅仙气!
另外,唔少网友真系好体贴同窝心,由于见朱茵扎住高辫,仲好担心咁反问佢:“这个造型,你的头皮可还好?感觉很痛呢!”另有网友指朱茵嘅“三七面”,同艺人郭可盈撞晒样,大赞佢哋都系数一数二嘅冻龄靓女。
新闻来自香港东网