叶璇近年返内地发展，人气都尚算唔错，事业一帆风顺！而佢嘅感情生活都同事业一样多姿多彩，最近佢就高调承认同圈外男友嘅新恋情，热恋中嘅佢仲上载咗一张佢身穿婚纱嘅照片，令人不禁联想佢会唔会係好事近呢？！
#叶璇事业发展顺利！
现年41岁嘅叶璇将事业重心放咗返内地，除咗演艺事业之外，佢仲有份担任编剧、制作人等幕后工作，事业顺风顺水！而佢仲非常紧贴潮流，做过网上带货嘅直播主，每月平均销售额足足高达$4600几万人民币，成为淘宝网页中带货直播主嘅头10位，吸金能力超强！
#前任係小10年造型师！
叶璇嘅感情生活都非常多姿多彩㗎，入行以来同唔少男明星传出过绯闻，仲有“绯闻女王”之称！最受令大家印象深刻嘅一段恋情，就应该係同比佢细10年嘅内地造型师“小默先生”嘅恋情，两人与2015年公开恋爱，一直都爱得十分高调，不过两人于2019年分手。有传，叶璇係交往期间总共送赠价值逾$3亿嘅礼物俾男方：包括有位于北京嘅豪宅、法拉利跑车等！
#最近公开认爱！
日前，叶璇就喺微博上载照片，并写上“收到了最真挚最浪漫的千字长情书”，令网民不禁猜测佢係咪已经寻觅到新对象？！而佢后来就向传媒证实现时正与圈外人交往中，所以希望可以低调处理感情事！
#经常于微博放闪！
正在热恋中嘅叶璇最近上传咗身穿长摆婚纱嘅优雅照片，仲写住“爱你的人永远不忙，不爱你的人会忙到消失，不是时间问题，而是你没在他心裡。”，似乎重新唤起对爱情嘅憧憬～而佢仲大晒男友送俾佢嘅喇叭，睇嚟同男友嘅感情十分甜蜜～
#婚纱照疑似好事近？
而网民见到叶璇上载婚纱照片后，都纷纷开始留言猜测佢会唔会係好事近，不过佢并冇回覆大家。另外，有网民发现佢手持花束嘅半身照就好似有少少唔似佢，未知係咪浓妆导致佢嘅样貌太成熟定因为P图过咗火呢？！
