TVB视帝陈豪“家庭暖男”形象深入民心，提到稍后因工作要多月与家人分隔两地，令他忧心非常。一直忙于职场拼搏的他，感激太太陈茵媺（Aimee）甘愿为家庭作出牺牲，他还预告会“还她自由”，让太太全面复出幕前！
陈豪与太太Aimee顺利过度“七年之痒”，一家五口幸福爆灯。身为“住家男”的陈豪谈到农历年后的工作，即无奈表示：“首要系3月头出发返内地隔离，逗留个半月拍摄《白色强人II》，即系话太太生日、自己生日同囡囡生日都唔能够一齐庆祝，好彩二仔生日我仲未走啰！”难怪他表示再忙都会亲自去拣选礼物：“走之前会送，返嚟又会送，最紧要佢哋（家人）开心。”
陈豪家有靓靓老婆，而且不是“虚有其表”，每当谈起Aimee他都大赞对方称职能干，是名副其实的Superwoman﹗他冧爆谓﹕“我开工根本帮唔到手，得佢一个压力无疑大啲，凑住小朋友之馀仲一手包办搬屋、办年货等等，屋企钻墙、砌家俬佢全部一脚踢，我都系Superman，系Super lucky man。”
当初Aimee下嫁他时，正值事业高峯期，“停赛”多年难免令人觉得可惜，陈豪认同谓﹕“所以我都觉得佢系时候出嚟拍番嘢嘞，况且依家剧集需要咁多演员。其实TVB一直都有搵佢，我绝对支持佢追寻自己嘅梦想，佢系好好嘅演员，唔好嘥咗佢。而最好梗系佢开工时我唔使开、我拍嘢时佢就休息，但知道现实冇咁理想。（介意同场演出？）呢样又冇乜所谓，只系唔想演情侣啰，要顾吓观众感受嘛。”
