艺人蔡思贝被东网率先踢爆同胡鸿钧拍拖,不过佢哋一直都冇承认,仲解释佢哋系朋友关系,不过上年10月,东网再爆蔡思贝揸住男方家姐架名贵跑车代步,相信已经顺利融入胡鸿钧家中。嚟到农历新年梗系要见吓亲友,有指胡鸿钧去咗女方亲友屋企拜年,佢同蔡思贝过咗晚上12点先至一齐离开,蔡思贝揸住男方家姐架名贵跑车,接送胡鸿钧离开。
东网致电胡鸿钧,对于已融入蔡思贝家中,佢话:“都系去朋友度拜年,祝大家新春快乐,身体健康,谢谢!(依家同思贝咩关系?)一直都系好朋友呀!”至于蔡思贝就话:“平时都好忙,难得新年放假,可以同好朋友见面拜年好开心,祝大家都新年快乐身体健康呀!”