艺人鲍起静对挚友廖启智病逝，极之难过、心情沉重，她哽咽说：“我收到呢个消息，真系冇法相信，万分唔舍得，我哋相识太耐，希望佢屋企人节哀顺变，我哋真系好唔舍得，好唔舍得，人生就系咁，希望唔好痛苦，一路好走，我哋要珍惜身边所有嘅人。”
她指对方曾接受手术，以为可以避过厄运：“真系唔想去相信呢个事实，以为佢做咗手术会几好，出嚟又可以见面，一齐去跑吓步，可惜依家再冇呢个机会。
鲍姐指跟对方识了超过半世纪，大家一向很“啱Key”：“佢十几岁入清水湾片场开工，我哋一齐工作，之后佢成为演员，一路成绩都咁好，我哋亦一齐做过话剧，亦好啱Key，我哋跑步永远都系得番我哋喺度倾偈，我哋对各种问题嘅睇法都一致，真系无谂到啲癌魔咁犀利，咁短时间可以攞走佢嘅生命，不过佢嘅一生都好丰盛，有好好嘅成绩，不枉此生，希望佢家人节哀顺变。”罗敏庄于晚上完成音乐会演出后接到廖启智病逝消息，忍不住泪洒当场，她说：“好伤心好突然，好shock，近排太多呢啲事发生，一个又一个，我知呢啲年纪系要慢慢接受，但我接受唔到。”她表示老公陈国邦跟智叔一齐在浸大教书，但老公一直好口密，从未向她透露智叔病情，直至传媒公开才跟她说：“依家讲得你听。”她最初接拍的几部电视剧都是跟智叔合作，她说：“佢系一个非常之好嘅前辈，佢会教你好多嘢，佢可能好锡你，但未必好显眼咁对你好，但我知佢好锡啲后辈，如果你有咩嘢，佢好乐意同你倾。”她还记得结婚摆酒时有邀请智叔去饮，她知智叔不是太锺意嘈吵热闹地方，但当晚对方都坐到最后一个才走，她说：“我觉得呢个前辈好好。”曾与廖启智合作过的艺人纷纷于社交网留言悼念，其中合作过电影《男人唔可以穷》的黄宗泽表示：“敬爱的智叔，跟你合作过是我的荣幸，再见智叔！”而电影《无间道II》拍档余文乐则指：“很荣幸曾经有跟智叔合作的机会，智叔是一位很谦虚，很友善，很愿意教后辈的长辈，电影圈少了一位很值得尊重的好演员，心很痛…”梁思浩亦晒出2人合照，并留言：“我尊敬嘅长辈从《城市追击》嘅合作到最后电视剧《大凶捕》，从您身上学了很多！一位爱锡后辈、家人、同事的智叔，请敏儿姐姐保重。”而曾跟廖启智学戏的艺人杨偲泳坦言难以接受，指数月前才与对方聚会：“您是我人生中第一位演戏导师，早几个月前我们还在婚宴派对上聊聊天说说笑，实在太难接受，愿安息。”而与智叔同属“周润发行山团”的江美仪，亦上载2人与米雪行山时的旧合照，并留言：“智叔，有缘认识到你是我的荣幸，遗憾是一直没有机会同你合作，我会永远记住你跑得好快但成日都返转头等埋我哋！”吴丽珠接受访问时表示：“初初听到消息真系唔能够接受，听到当然好唔开心，知佢患癌都好短时间，因为疫情唔可以去医院同埋佢哋好低调，我连一句慰问都冇慰问佢，我完全冇同佢say hello，敏儿喺电视度话唔好再问候住，畀佢多啲休息。”并透露3、4个月前曾一起食斋。她又说与智叔结缘同是训练班出身，之后加入《欢乐今宵》后合作得最多：“佢教我好多嘢，好锡我，一个大哥哥咁，一个好正派、好专业嘅演员，又记得喺《欢乐今宵》做趣剧，佢做牛杂仔，我做佢女朋友。
怀念智叔。