终于得咗喇~
《爱.回家之开心速递 》惊喜陆续有来,继前日嘅一集大小姐(林淑敏饰)正式回归接龙集团后,大家最期待嘅画面昨日终于出现喇!喺4月1日愚人节嗰集,龚烨(张景淳饰)嚟真向熊若水(吕慧仪饰)跪地求婚,点知若水以为对方玩嘢,“报仇”扮流产玩下体出血,令求婚不成!
大小姐终于回归!
若水扮流产玩下体出血!
而昨日就讲到龚烨扚起心肝再求婚,点知被大小姐打乱,叫若水努力工作,话会提拔佢,搞到若水沉醉工作!到咗夜晚,正当龚烨以为可以喺餐厅向若水求婚之际,若水又被大小姐召唤,虽然波折重重,但最后龚烨带埋扎花及戒指送上门求婚,喺家人见证下,若水最终答应,不过因为若水想喺事业上搏杀,话要2年后先结婚!
龚烨再出手!
跪地求婚!
得咗喇!
两人都喺社交网上载多张即影即有相,同埋唔少男友视角照,不讲真是以为发生喺现实,龚烨留言:“不需给我更大乐园,始终家里(里)最温暖。在家里(里)和在家人见证底下,是最好的时间和地方💍”而当时熊树仁(单立文饰)帮佢哋影相系真影添!
熊树仁真是影咗!
好有Feel!
家人见证!
好似真的一样呀!
笑声笑声~
唔少网民都话“如果是真就好啦”、“终于求到婚😭”、“恭喜龚生龚太”、“好感动,想喊啊”,而若水就“错重点”留言“我个双下巴🤦🏻♀️😂”,不过网民赞佢一样咁靓呀!
恭喜啦!
网民都好想他们现实都是一对!
男友视角照!
完全没找到时机,最后送上门!
本文转自東网