马国明于1月9日现身北角出席怀旧派对活动。提到《万千星辉颁奖典礼2019》即将举行，夺取视帝宝座高唱入云，马明就话：“好难讲，因为有好多强劲嘅对手，例如有《铁探》的袁伟豪，又有王浩信的《解决师》，其实佢台庆档期播都有少少着数，因为记忆好新，所以今年好难估男视帝会系边个，我都系平常心。”
马明有意向外发展，接拍不同类型制作影视作品。（叶志明摄）
马明跟无线经理人合约今年即将届满，有指他好友郑家颖充当决策军师，出招教马明用合约换取视帝奖项，所以马明迟迟未动笔签字落实。对此马明接受访问时说：“其实合约仲有段时间，断断续续都仲倾紧，因为仲有好多嘢要考虑，觉得呢个时势好似好乱，所以有好多嘢大家都要倾清楚，都明白呢个时势好难话要加片酬，反而系想睇下嚟近会有啲咩机会，又或者啲空间再去做，始终我都做咗好多年，有好多嘢要去睇，唔系纯粹向钱看，其实自己都好想拍下出面啲嘢，相信系每个演员所期望，至于话嘉颖指点我单嘢，冇啲咁嘅事，个单新闻流流地，佢呢排挂住凑仔，唔得闲理我哋。”
马明坦言无线经理人合约届满仍有一段距离。（叶志明摄）
马国明同黄心颖虽然变回好朋友，但他依然有关心旧爱，虽然心颖仍然有被网民狙击，但马明叫大家都支持一下《丫鬟大联盟》《黄金有罪》两套新剧，他说：“（有冇见过心颖呀 ）未有机会，（抗唔抗拒见面？）其实我冇乜所谓架，我都有send讯息畀佢嘅，圣诞快乐嗰啲囉，始终都系朋友嚟嘅，大家唔好误会好有仇恨嗰啲，完全冇嘅，近排丫鬟（剧集《丫鬟大联盟》）我都有睇，我觉得几好睇㖞，轻轻松松几好。”