TVB艺人滕丽名、白彪及康华担任节目《Masters Talk师父有请》嘉宾，大谈灵异经历。康华透露自己刚入行时，到内地拍摄旅游节目“吓餐饱”：“贵州有个山头安葬咗成条村嘅尸体同骨灰，来回要成11个钟，入到去大家都唔信邪，加上当地人又冇准备，所以冇拜神。后嚟男主持不适送院，连行路都有困难，剩低嘅拍摄由我负责，点知我返到香港都入院。”她表示可能因为“冇打招呼”，而该男主持返香港未几便退出娱圈：“当时佢病到神智有啲唔清醒，成日自己同自己讲嘢。”
“瞓棺材”都唔怕至于被主持麦玲玲指有“关刀眉”的白彪杀气大，他直言“瞓棺材”都不怕：“反而瞓过停尸间嘅尸箱，柜门关埋，我耳仔就嗡嗡声兼毛管戙。我曾经喺中环义庄拍嘢，现场有百几副棺材，负责人话拍嘢唔紧要，唔好跨过啲棺材就得，但我哋要拍追逐戏，就系要跳棺材，仲差啲踢冧添。有日落雨，我路过义庄长走廊，突然有担幡追住我，点知原来系只雀仔飞起郁到个担幡，当时真系被佢吓死！”
菲律宾灵异经历白彪又指曾到菲律宾拍戏时，有位18、9岁女特约演员突然企起身瞪大眼，跳过一幅矮墙，不断用英文叫不要碰她，甚至讲粗口：“当时佢双眼反起咗，见唔到佢眼珠，4个工作人员夹住佢，都被佢揈到弹开，我仲以为佢做戏，佢一踢连脚甲都反埋，真系毛管戙。有军人保安即刻用3粒子弹夹佢手指，点知佢呕啲绿色嘢出嚟，后来叫巫医搞先冇事。”
电视城厕所好猛鬼？滕丽名则忆起电视城录影厂的惊吓事件：“《真情》年代，8至9厂附近个厕所好猛鬼，话（灵体）好多年前邵氏年代已经喺度。当年成日都拍通宵戏，男女厕黐住喺隔篱，但女厕块镜永远都系滴水，男厕块镜永远都系乾。”她又表示试过独自入洗手间洗手，竟发现镜中有另一个人：“曾经喺凌晨2点开工准备埋尾，收音师话听到有人吹口哨，咁就关厂门啦，点知都系有声，后来直头有人喺我耳边吹。喺隔篱厂嘅张家辉突然嗌救命，当时未到佢，佢大叫‘有人喺我耳边吹口哨呀！’呢单都几爆！”